Anmol Baloch Marriage
پاکستان شوبز انڈسٹری کی اُبھرتی ہوئی اداکارہ انمول بلوچ نے مستقبل میں شادی کے اپنے ارادے کے بارے میں بتا دیا۔
ماڈل و اداکارہ انمول بلوچ نے انکشاف کیا ہے کہ ان کے والدین کے پاس ان کی شادی کے لیے بہت رشتے آتے ہیں اور وہ ہر بار شادی کے لیے منع کردیتی ہیں۔
انمول بلوچ کے والدین کا تعلق شمالی سندھ کے ضلع کشمور سے ہے اور وہاں ان کا اپنا گاؤں ہے، جہاں ان کے رشتے دار رہتے ہیں۔
ایک انٹرویو میں شادی سے متعلق پوچھے گئے سوال پر انہوں نے بتایا کہ ابھی وہ بچی ہیں، وہ شادی نہیں کریں گی۔
اسی دوران انہوں نے انکشاف کیا کہ ان کی شادی کے لیے بہت رشتے آتے ہیں جو کہ تمام کے تمام گاؤں سے آتے ہیں اور زیادہ تر ان کے کزنز ان کے ہاں رشتہ بھیجتے ہیں، جنہیں وہ مسترد کرتی رہتی ہیں۔
انمول بلوچ کے مطابق وہ شادی کرکے دوبارہ گاؤں نہیں جانا چاہتیں، اس لیے کزنز کے رشتوں کو منع کردیتی ہیں۔
ماڈل و اداکارہ کا کہنا تھا کہ وہ شادی کے لیے کوئی ٹائم فریم نہیں دے سکتیں، ان کی شادی ابھی بھی ہوسکتی ہے، اس میں دو سال بھی لگ سکتے ہیں اور اس میں 10 سال کا عرصہ بھی لگ سکتا ہے۔
انمول بلوچ نے کہا کہ ایسی بات نہیں کہ انہیں مرد پسند نہیں، مرد بھی اچھے انسان ہوتے ہیں اور ان کے خیال میں 60 فیصد مرد حضرات اچھے ہوتے ہیں۔
if you need more details about Anmol Baloch so please click here
